ಗೋಪ್ರಾಣಭಿಕ್ಷಾ

ಗೋಪ್ರಾಣಭಿಕ್ಷಾ

ಬೆಟ್ಟದ ಬೇಲಿಯು ಮುಳ್ಳಾಗಿರಲು

ಗೋವಿನ ಮೇವಿಗೆ ನರಕವಾಗಿರಲು

ಗೋಪ್ರೇಮಿಗಳ ಜೀವವೇದನೆಯಲಿರಲು

ಸಂಚಲಿಸಿತು "ಗೋವು-ಮೇವು-ನಾವು" ಒಕ್ಕೊರಲು    || 1 ||

ಬೆಟ್ಟದ ಮಾತೆಯ ನೋವಿನ ಸಂಕಟ

ತಲುಪಲೇ ಇಲ್ಲ ಸರ್ಕಾರದ ಪುಟ

ಗೋಪರಿವಾರರೂಪದಿ ಬಂದ ವೆಂಕಟ

ಗೋಪ್ರಾಣಭಿಕ್ಷೆಗೆ ಪಥವಾಯಿತು ರಾಮಚಂದ್ರಾಪುರಮಠ    || 2 ||

ಅಳಿಯುವ ಹಂತದಿ ಮಾತೆಯ ಮಡಿಲು

ಉಳಿಸುವ ಹಠದಿ ಗೋಪ್ರೇಮದ ಕಡಲು

ಗೋಜೀವದಿ ನವವಸಂತ ಮೂಡಲು

ಸರಳ ಭೋಜನ-ಸರಳ ಜೀವನಕೆ ನಮ್ಮೊಡಲು     || 3 ||

ಗೋವಿನ ನೋವಿಗೆ ಕರಗಿದ ದಣಿ

ಗೋಮೇವಿಗೆ ಚಿತ್ತೈಸಿದ ಸಂತರತ್ನಮಣಿ

ಕರುಣಾತೀತ ವಾತ್ಸಲ್ಯದ ಗಣಿ

ಶ್ರೀಗುರುಪೀಠಕೆ ಸದಾ ನಾ ಋಣಿ         || 4 ||

ಸಾವಿರದಷ್ಟು ಗೋವಿಗೆ ಸಾವಿರ ಟನ್ಗಳ ಮೇವು

ಸಾವಿರದ ಕರಗಳು ಬೇಡುತಿದೆ "ಗೋವಿಗಾಗಿ ನಾವು"

ಸಾಮಾಜಿಕ ಜಾಲತಾಣದಲಿ ಮೇವಿಗಾಗಿ ಅಕ್ಷರದ ಹರಿವು

ಅಕ್ಷಯವಾಗಲಿ ಗೋವಿಗಾಗಿ ತಮ್ಮದೆಲ್ಲವ ತ್ಯಾಗ ಮಾಡಿದ ಜೀವವು || 5 ||

ರಚನೆ:
ಪೂರ್ಣಾ ಹೆಗಡೆ ಕಪಾಸಿ
#GiveUpAMeal Team 
ಶ್ರೀರಾಮಚಂದ್ರಾಪುರಮಠ